Psalms 4

1  למנצח בנגינות מזמור לדוד

 2  בקראי ענני אלהי צדקי—בצר הרחבת לי    חנני ושמע תפלתי

 3  בני איש עד-מה כבודי לכלמה—תאהבון ריק    תבקשו כזב סלה

 4  ודעו—כי-הפלה יהוה חסיד לו    יהוה ישמע בקראי אליו

 5  רגזו ואל-תחטאו    אמרו בלבבכם על-משכבכם ודמו סלה

 6  זבחו זבחי-צדק    ובטחו אל-יהוה

 7  רבים אמרים מי-יראנו-טוב    נסה עלינו אור פניך יהוה

 8  נתתה שמחה בלבי    מעת דגנם ותירושם רבו

 9  בשלום יחדו אשכבה ואישן    כי-אתה יהוה לבדד לבטח תושיבני
Copyright information for Alep